Stock Market Today Updates: देशांतर्गत शेअर मार्केटमध्ये सलग दुसऱ्या दिवशी हिरवीगार ओपनिंग झाली आहे. केंद्र सरकारने GST मध्ये लक्षणीय सुधारणा जाहीर केल्यापासून दोन्ही बाजार निर्देशांक वाढीसह व्यवहार करत आहेत. या दरम्यान, आजच्या व्यापार सत्रात आयटी क्षेत्रातील दिग्गज इन्फोसिसचे शेअर्स फोकसमध्ये असून यामागे एक खास घडामोड कारणीभूत ठरली आहे.
मुंबई :भारतातील दिग्गज आयटी कंपन्यांपैकी, इन्फोसिस लिमिटेडच्या शेअर्सना पुन्हा एकदा तेजीचा सूर गवसला आहे. आयटी क्षेत्रातील मोठ्या कंपन्यांपैकी एक इन्फोसिस येत्या काळात आपल्या गुंतवणूकदारांना मोठा नजराणा देऊ शकते. कंपनीने 11 सप्टेंबर रोजी बोर्ड बैठक बोलावली असून या बैठकीत सर्वात महत्त्वाचा मुद्दा शेअर बायबॅक असेल. या बातमीमुळे गुंतवणूकदार आणि बाजार तज्ञांच्या अपेक्षा वाढल्या आहेत.
इन्फोसिस शेअरमध्ये तेजीचा वारू उधळलाकंपनीने 11 सप्टेंबर रोजी पूर्णतः पेड-अप इक्विटी शेअर्सच्या बायबॅकच्या प्रस्तावावर विचार करण्यासाठी बोर्डाची बैठक होणार असल्याचे जाहीर केल्यानंतर 9 सप्टेंबर रोजी इन्फोसिसच्या शेअर्समध्ये 4% हून अधिक वाढ झाली. या बोर्ड मीटिंगमध्ये Buyback मंजूर झाल्यास 2022 नंतर आयटी फर्मने जाहीर केलेल्या शेअर्सचा हा पहिला बायबॅक असेल. तीन वर्षांआधी इन्फोसिसने 1,850 रुपये बायबॅक किंमत असलेल्या 9,300 कोटी रुपयांच्या बायबॅक प्रस्ताव मंजूर केला होता.Gold Rate Today: पितृपक्षातही सोन्याचा चढाभाव; सराफा बाजारात किमतीने उडाली खळबळ; आजचा भाव किती?आदल्या दिवशी, 8 सप्टेंबर रोजी बाजार बंद झाल्यावर इन्फोसिसने बोर्ड मीटिंगची घोषणा केली असून यानंतर, आज मंगळवारी, 9 सप्टेंबर रोजी शेअरचा भाव 4% हून अधिक वाढून 1,494 रुपयांवर पोहोचला आणि पाच सत्रांच्या घसरणीचा सिलसिला खंडित झाला. सध्या हा शेअर निफ्टी आयटी निर्देशांकात तसेच सेन्सेक्स आणि निफ्टी या बेंचमार्क निर्देशांकांमध्ये टॉप गेनर ठरला आहे.Donald Trump: जगाला टॅरिफचं टेन्शन देऊन ट्रम्प फॅमिली मालामाल! एका आठवड्यात कमवले 110000000000 रुपये, एवढा पैसा आला कुठून?गेल्या काही महिन्यात इन्फोसिसच्या स्टॉकवर मोठ्या प्रमाणात दबाव पाहायला मिळाला आहे. मागील सहा महिन्यांत इन्फोसिसचे शेअर्स सुमारे 12% घसरले आणि 2025 मध्ये आतापर्यंत जवळपास 21 टक्क्यांनी खाली आले आहेत. अमेरिकेचे अध्यक्ष डोनाल्ड ट्रम्प यांच्या कठोर शुल्कामुळे निर्माण झालेल्या व्यापक आर्थिक अनिश्चिततेच्या पार्श्वभूमीवर इन्फोसिस, विशेषतः आयटी कंपन्यांचे शेअर्स दबावाखाली आले. भारतीय आयटी सेवांवर संभाव्य शुल्क आकारण्याबाबत ट्रम्प प्रशासनाकडून अधिकृत अहवाल आले होते, पण त्यावर कोणतेही अधिकृत विधान झालेले नाही. दुसरीकडे, इन्फोसिस स्टॉकमधील खरेदीच्या जोरावर निफ्टी IT इंडेक्स देखील 1.7% वाढून 34,892 वर उसळला आहे.(Disclaimer : येथे तज्ञांनी व्यक्त केलेले विचार आणि गुंतवणूक टिप्स त्यांचे स्वतःचे आहेत, वेबसाइट किंवा व्यवस्थापनाचे नाहीत. महाराष्ट्र टाइम्स वापरकर्त्यांना कोणताही गुंतवणूक निर्णय घेण्यापूर्वी प्रमाणित तज्ञांशी संपर्क साधण्याचा सल्ला देते.)
