नाट्यमयरीत्या राजकारणात प्रवेश केलेले काठमांडूचे महापौर बालेन शाह जेन झी आंदोलनामुळे चर्चेत आहेत. तरुणाई त्यांना पंतप्रधान बनवू इच्छित आहे. एक इंजिनीअर, रॅपर आणि आता महापौर असलेल्या बालेन शाह यांची संपत्ती ५ ते ६ कोटी नेपाळी रुपये आहे.
काठमांडू: नाट्यमयरित्या राजकारणात आलेले आणि अल्पावधीत तरुणाईच्या गळ्यातील ताईत झालेले काठमांडूचे महापौर बालेन शाह सध्या नेपाळमधील जेन झी आंदोलनाच्या केंद्रस्थानी आहेत. बालेन शाह यांनी पंतप्रधानपद स्वीकारावं आणि देशाची सुत्रं हाती घ्यावीत, अशी आंदोलक तरुणाईंची मागणी आहे. राजकारणात प्रवेश करण्याआधीच ते तरुणाईत लोकप्रिय झाले. आता त्यांच्याकडे देशाचं नेतृत्व जाण्याची शक्यता आहे.
पेशानं इंजिनीअर असलेल्या शहांनी सुरुवातीला अभियांत्रिकी क्षेत्रातच काम केलं. त्यानंतर ते रॅपर झाले. यामुळे ते तरुणाईत लोकप्रिय झाले. त्यांची कमाई आणि उत्पन्नाचे स्रोत आता चर्चेचा विषय आहेत. बालेन शाह यांची एकूण संपत्ती ५ ते ६ कोटी नेपाळी रुपये आहे. त्यांचं मासिक उत्पन्न ३ लाख रुपयांपेक्षा अधिक आहे.नेपाळच्या PMचा राजीनामा, हिंसक आंदोलनानंतर पायउतार; देश सोडण्याच्या तयारीत, तरुणांनी संसद पेटवलीबालेन शाह सध्या काठमांडू महानगरपालिकेचे महापौर आहेत. महापौर असल्यानं त्यांना महिन्याकाठी ४६ हजार रुपये वेतन मिळतं. मात्र यापेक्षा अधिक कमाई ते अभियांत्रिकीशी संबंधित कामं आणि संगीतामधून (रॅप) कमावतात. अभियांत्रिकीमधून बालेन यांची सर्वाधिक कमाई होते. ते बालेन कन्सल्टिंग अँड कंस्ट्रक्शन प्रायव्हेट लिमिटेडचे व्यवस्थापकीय संचालक आहेत. याशिवाय त्यांनी पद्म ग्रुप ऑफ कंपनीच म्हणजे उपव्यवस्थापक पदावर काम केलं आहे. बांधकाम आणि सल्लागार सेवा यातून त्यांना चांगलं उत्पन्न मिळतं. यासोबतच बालेन शाह एक प्रसिद्ध रॅपर आणि संगीतकारदेखील आहेत. त्यांनी अनेक टीव्ही शो, रॅप बॅटल आणि म्युझिक व्हिडीओमध्ये सहभाग घेतला आहे. यामुळेच ते तरुणांमध्ये जास्त लोकप्रिय आहेत. यातूनही त्यांची बक्कळ कमाई होते. रॅप, गीत लेखन, संगीत निर्मिती आणि लाईव्ह सादरीकरणातून ते अतिरिक्त कमाई करतात. फेसबुक, यूट्यूब, इन्स्टाग्राममधून शाह यांना मिळणारं उत्पन्न अधिक आहे.Nepal Protest : नेपाळच्या उपपंतप्रधानांना तरूणांकडून चोप, रस्त्यावर गाठलं अन् पळवून पळवून…, VIDEO समोरआदिपुरुषला विरोध, बॉलिवूडला इशारारामायणाच्या कथेवर आधारित असलेला आदिपुरुष सिनेमा २०२३ मध्ये प्रदर्शित झाला. त्यावेळी बालेन शाह यांनी या चित्रपटातील काही संवादांना आक्षेप घेतला. हे संवाद चित्रपटातून हटवण्याची मागणी केली होती. संवाद न हटवल्यास नेपाळ आणि काठमांडूमध्ये कोणताही भारतीय सिनेमा प्रदर्शित होऊ देणार नाही, अशी धमकी शाह यांनी दिली होती.
