Star Pravah Serial Going To Off Air : ‘थोडं तुझं आणि थोडं माझं’ या मालिकेनंतर स्टार प्रवाहची आणखी एक मालिका संपणार आहे.
मुंबई – टीआरपीच्या शर्यतीत टिकून राहण्यासाठी प्रत्येक चॅनल काहीतरी नवीन करण्याचा प्रयत्न करत आहे. काही नवीन मालिका प्रेक्षकांच्या भेटीला येत आहेत. स्टार प्रवाह वाहिनीने दोन नवीन मालिकांची घोषणा केली. त्यामुळे आता लवकरच स्टार प्रवाहची मालिका प्रेक्षकांचा निरोप घेणार आहे. यापूर्वी स्टार प्रवाह वाहिनीवरील ‘थोडं तुझं आणि थोडं माझं’ ही मालिका संपणार असल्याची घोषणा करण्यात आली. आता त्यापाठोपाठ आणखी एक मालिका संपणार आहे.सुप्रसिद्ध गायक राहुल देशपांडेचा लग्नाच्या १७ वर्षानंतर घटस्फोट; म्हणाला, ‘एक नवीन अध्याय…’
काही मालिका अनेक वर्षे प्रेक्षकांच्या मनावर राज्य करतात. त्या मालिकांना प्रेक्षकांचं भरघोस प्रेम मिळतं. त्यातील पात्रसुद्धा कायम प्रेक्षकांच्या लक्षात राहतात. त्यातीलच एक मालिका म्हणजे स्टार प्रवाहची ‘ आई आणि बाबा रिटायर होत आहेत ‘ ही मालिका. मात्र, आता ‘आई आणि बाबा रिटायर होत आहेत’ ही मालिका लवकरच प्रेक्षकांचा निरोप घेत आहे. सोशल मीडियावर मालिका लवकरच संपणार असल्याच्या चर्चा सुरू आहेत. ‘थोडं तुझं आणि थोडं माझं’ या मालिकेच्या नंतर ‘आई बाबा रिटायर होत आहेत’ ही मालिका संपणार असल्याचं समजल्यामुळे प्रेक्षकांना धक्का बसलाय.
View this post on Instagram
‘आई आणि बाबा रिटायर होत आहेत’ या मालिकेत किल्लेदार कुटुंब दाखवण्यात आलं होतं. यशवंत आणि शुभा किल्लेदार हे घरचे प्रमुख असून यशवंत निवृत्त झालेले दाखवण्यात आलं होतं. निवृत्त झाल्यानंतर यशवंत आणि शुभा यांना निवांत आयुष्य जगायचं असतं, मात्र ते घराच्या जबाबदाऱ्यांमध्ये अडकतात. शुभा प्रत्येक वेळी संकटांना खंबीरपणे सामोरं जाते आणि कायम यशवंत यांच्या पाठीशी ठामपणे उभी राहते. शुभा कायम घराला बांधून ठेवते. सीमाला वेगळं घर पाहिजे असतं मात्र, शुभा कायम नकार देते. अशी ही कौटुंबिक मालिका प्रेक्षकांचा आता निरोप घेणार आहे.
‘आई आणि बाबा रिटायर होत आहेत’च्या सेटवर मंगेश जाधव व निवेदिता सराफ कसे असतात ?मितालीने केलं स्पष्ट
दरम्यान, ‘आई आणि बाबा रिटायर होत आहेत’ ही मालिका २ डिसेंबर २०२४ पासून प्रेक्षकांच्या भेटीला आली होती. हीमालिका दुपारी २ वाजता प्रसारित होत होती. मात्र, आता ही मालिका लवकरच संपणार आहे.
