Today Commodity Prices: 18 सप्टेंबर रोजी सोन्याच्या किमतीत जोरदार घसरण होताना दिसत आहे. सलग दुसऱ्या दिवशी सोन्याच्या दरांना उतरती कळा लागली असून चांदीचा भाव देखील धडाम झाला आहे. गुरुवारी, 18 सप्टेंबर रोजी तुमच्या शहरातील सोने आणि चांदीच्या किमती जाणून घेऊया.
मुंबई :अमेरिकेच्या मध्यवर्ती बँक, फेडरल रिझर्व्हने या वर्षी पहिल्यांदाच दरांमध्ये कपात केली आहे आणि पुढेही दोनदा व्याजदर कपातीचे संकेत दिले आहेत. अमेरिकेच्या या निर्णयाचा भारतीय बाजारात सकारत्मक परिणाम होताना दिसत आहे. एकीकडे देशांतर्गत बाजाराने तेजीची उभारी घेतली आहे तर दुसरीकडे कमोडिटी बाजारात सुरुवातीच्या व्यवहारात सोन्या आणि चांदीच्या किमती घसरल्या आहेत.
अमेरिकेत व्याजदर कपात, सोन्या-चांदीच्या दरांमध्ये उतारगुरुवारी, 18 सप्टेंबर रोजी, सुरुवातीच्या व्यवहारात सोन्याच्या किमतीत घसरण झाली आहे. अमेरिकन मध्यवर्ती बँक फेडरल रिझर्व्हने या वर्षी पहिल्यांदाच व्याजदरात कपात केल्यावर MCX वर सोन्याच्या किमतीत 600 रुपयांची घसरण झाली. ऑक्टोबर सोन्याचे फ्युचर्सचा भाव गुरुवारी सकाळी 611 रुपये किंवा 0.56% घसरून 1,09,211 रुपये प्रति 10 ग्रॅमवर आला आहे. या दरम्यान, चांदीच्या किमतीतही 1000 रुपयांपेक्षा जास्त घसरण झाली आणि 1,009 रुपये किंवा 0.79% घसरून 1,25,975 रुपये प्रति किलोवर व्यवहार करत होता.Pension Scheme New Rule: पेन्शन स्कीमचा नियम बदलणार, NPS योजनेचे बदलेला नियम माहित आहेत का? पहिल्यापेक्षा जादा फायदा होणारत्याचवेळी, आंतरराष्ट्रीय बाजारात गुरुवारी अमेरिकन फेडरल रिझर्व्हने अपेक्षेप्रमाणे व्याजदरात एक चतुर्थांश टक्के कपात केल्यानंतर आणि धोरणात्मक सवलतींबाबत मापनात्मक सूर स्वीकारल्यानंतर डॉलर मजबूत झाल्यामुळे सोन्याच्या किमतीत घसरण झाली. गेल्या काही दिवसात सोने आणि चांदीच्या दरांमध्ये खूप जास्त अस्थिरता दिसून आली आणि सुरुवातीच्या ट्रेडिंग सत्रात मोठ्या प्रमाणात विक्री झाली, पण फेडने दर कपात केल्यानंतर किमती नीचांकी पातळीपासून रिकव्हर झाल्या. Success Story : तीन मित्र अन् 99 रुपयांच्या व्यवसायाची कल्पना, स्टार्टअपची केली सुरूवात, आज 8 कोटींचा टर्नओव्हरबुधवारी फेडने व्याजदरात 25 बेस पॉइंट्सची कपात केली आणि या वर्षाच्या उर्वरित महिन्यात कर्ज घेण्याचा खर्च सातत्याने कमी करण्याचे संकेत दिले. फेडचे अध्यक्ष जेरोम पॉवेल यांनी कमकुवत कामगार बाजाराच्या प्रतिसादात धोरणात्मक कारवाईला जोखीम-व्यवस्थापन कपात म्हणून वर्णन केले आणि केंद्रीय बँक व्याजदरांच्या दृष्टिकोनाबाबत ‘meeting-by-meeting परिस्थितीत’ ठेवला आहे. फेडच्या घोषणेनंतर डॉलर निर्देशांक फेब्रुवारी 2022 नंतरच्या सर्वात कमी पातळीवर घसरला पण, नंतर दिवसाच्या नीचांकी पातळीवरून सावरला.अमेरिकेच्या फेडचा निर्णयअमेरिकेच्या फेडरल रिझर्व्हने म्हटले आहे की, अलिकडच्या आकडेवारीवरून वर्षाच्या पहिल्या सहामाहीत आर्थिक घडामोडींमध्ये मंदी आल्याचे दिसून येत आहे. रोजगार निर्मितीत घट झाली आणि बेरोजगारीचा दर किंचित वाढला असला तरी दर कमीच असून महागाई वाढली आणि अजूनही काही प्रमाणात वाढत आहे. अमेरिकन फेडने बाजाराच्या अपेक्षेनुसार व्याजदरात कपात केली आणि या वर्षी आणखी कपात करण्याचे संकेतही दिले आहेत. डॉलर निर्देशांकातील अस्थिरता आणि अमेरिकेकडून आणखी दर कपातीच्या अटकळांमुळे या आठवड्यात सोने आणि चांदीच्या किमती अस्थिर राहतील अशी अपेक्षा आहे.
