Netanyahu Faces Walk out in UNGA : संयुक्त राष्ट्र महासभेत इस्त्रायलचे पंतप्रधान नेतान्याहूंच्या भाषणावेळी अनेक देशांनी वॉकआऊट केले. गाझावरील हल्ल्यांमुळे टीकेचे धनी ठरलेल्या नेतान्याहू यांनी हमासविरोधातील लष्करी कारवाई सुरू ठेवण्यावर ठाम भूमिका घेतली आहे. पॅलेस्टिनी राज्याला मान्यता देण्याच्या निर्णयावर तीव्र प्रतिक्रिया देत, त्यांनी याला दहशतवादाला प्रोत्साहन म्हटले. या घटनेने जागतिक वातावरण तापले आहे.
न्युयॉर्क : यंदाची संयुक्त राष्ट्र महासभा (UNGA) ही अनेक कारणांनी वादळी ठरत आहे. यातच आज इस्त्रायलचे पंतप्रधान नेतान्याहू यांच्या भाषणावेळी अनेक देशांच्या नेत्यांनी वॉकआऊट केल्याने वातावरण तापल्याचे दिसत आहे. इस्त्रायलकडून गाझावर एकामागोमागून एक होणाऱ्या हल्ल्यांच्या पार्श्वभूमीवर बेंजामिन नेतान्याहू जगभरात टीकेचे धनी ठरत आहेत. याच वाढत्या एकाकीपणाला तोंड देताना इस्त्रायलचे पंतप्रधान बेंजामिन नेतान्याहू यांनी संयुक्त राष्ट्र महासभेत बोलताना हमासविरोधातील लष्करी कारवाई सुरु ठेवण्यावर ठाम असल्याची भूमिका जाहीर केली.
नेतान्याहू यांनी महासभेत म्हटले की, पाश्चिमात्य देश हमासच्या दबावापुढे झुकला असेल पण आम्ही तुम्हाला हमी देतो की, इस्त्रायल तसे करणार नाही. आपल्या देशाला काम पूर्ण करावेच लागेल, असे त्यांनी ठामपणे मत मांडले. तर पॅलेस्टिनी राज्याला मान्यता देण्याच्या अनेक देशांच्या निर्णयावरही नेतान्याहू यांनी तीव्र प्रतिक्रिया दिली. ते म्हणाले, ‘तुमचा लज्जास्पद निर्णय यहुदी आणि सर्वत्र निष्पाप लोकांविरुद्ध दहशतवादा प्रोत्साहन देणारा ठरेल.’ पण नेतान्याहूंच्या भाषणादरम्यान अनेक देशांच्या प्रतिनिधींनी सभेतून वॉकआउट केले.तिथं ट्रम्प-शरीफ बैठक अन् इथं बलुचिस्तानकडून पाकचा ‘टप्प्यात कार्यक्रम’, अमेरिकेलाच दिली मोठी ऑफरयावेळी मात्र अमेरिकेचे प्रतिनिधीमंडळ सभागृहात उपस्थित होते. अमेरिका आणि ब्रिटन जगातील या महाशक्तींचे कनिष्ठ स्तरावरील प्रतिनिधीमंडळ उपस्थित होते. तर इस्रायली प्रतिनिधी मंडळाने लेबनॉनमध्ये हिजबुल्लाह सदस्यांचे शेकडो पेजर उडवून दिल्याचे वृत्त सादर केले त्यांना मात्र टाळ्यांनी जोरदार प्रतिसाद मिळाला. सीएनएनने वृत्त दिले होते की, गाझामधील स्फोटांमध्ये लहान मुलांसह किमान ३७ लोकांचा मृत्यू झाला. लेबनॉनच्या आरोग्य विभागाने सांगितले की, सुमारे ३ हजार लोक जखमी झाले आहेत.नेतान्याहू यांनी टीकाकारांना घेरत पुढे म्हटले की, ‘यहूदीविरोधी मतभेद कठीण ठरतात, खरं तर ते कधीच मरत नसतात.’
