ट्रम्प यांनी भारतावर मोठ्या प्रमाणात टॅरिफ लादले आहे. दरम्यान इतर देशांकडून मात्र भारताचं समर्थन आणि कौतुक केले आहे. जर्मनीने याबद्दल भूमिका घेतली आहे.
जर्मनीचे परराष्ट्र मंत्री योहान वाडेफुल यांनी भारतासोबतच्या दोन दिवसीय अधिकृत दौऱ्याची सुरुवात बंगळूरुमध्ये केली. अमेरिकेचे राष्ट्राध्यक्ष डोनाल्ड ट्रम्प भारतावर टॅरिफ लादत असताना, जर्मनी ने भारत ाची ताकद आणि महत्त्व जगाला दाखवून दिले आहे. वाडेफुल यांनी भारताला ‘हिंद-प्रशांत क्षेत्रातला एक महत्त्वाचा भागीदार’ म्हटले आहे. भारत आणि जर्मनी यांच्यातील संबंध राजकारण, अर्थव्यवस्था आणि संस्कृती अशा सर्व स्तरांवर खूप जवळचे आहेत. सुरक्षा सहकार्यापासून ते नवोपक्रम, तंत्रज्ञान आणि कुशल कामगारांच्या भरतीपर्यंत अनेक संधी उपलब्ध आहेत, असेही त्यांनी सांगितले.
भारताचं कौतुकजर्मनीचे परराष्ट्र मंत्री योहान वाडेफुल यांच्या भारतभेटीने भारत आणि जर्मनीच्या संबंधांना नवी दिशा मिळणार आहे. वाडेफुल यांनी बंगळूरुमध्ये भारतीय अंतराळ संशोधन संस्थेला (ISRO) भेट देऊन आपल्या कार्यक्रमाची सुरुवात केली. त्यानंतर ते दिल्लीला गेले, जिथे त्यांनी वाणिज्य आणि उद्योग मंत्री पीयूष गोयल आणि विदेश मंत्री एस. जयशंकर यांच्याशी चर्चा केली. जगातील सर्वाधिक लोकसंख्या असलेला देश आणि सर्वात मोठी लोकशाही म्हणून भारताचा आवाज इंडो-पॅसिफिकच्या रणनीतिक क्षेत्रात ऐकला जातो, असे वाडेफुल यांनी सांगितले.जवळचा भागीदारभारत आणि जर्मनी समान लोकशाही मूल्यांवर आधारित आहेत आणि आजच्या भू-राजकीय आव्हानांच्या काळात दोन्ही देशांनी एकत्र येऊन नियम-आधारित आंतरराष्ट्रीय व्यवस्था वाचवणे आवश्यक आहे, असेही वाडेफुल म्हणाले. जर्मनी इंडो-पॅसिफिकमध्ये आर्थिक आणि सुरक्षा सहकार्य अधिक मजबूत करण्यास उत्सुक आहे. तंत्रज्ञानातील भागीदारी वाढवणे आणि भारतातून कुशल कामगारांची भरती करण्यावर जर्मनीचा भर आहे. जर्मनी हा युरोपमधील भारताचा सर्वात जवळचा भागीदार आहे.
दोन वर्षात सहा भेटी1951 पासून दोन्ही देशांचे संबंध आहेत आणि 2021 मध्ये त्यांनी 70 वर्षे पूर्ण केली. पंतप्रधान नरेंद्र मोदी आणि जर्मन चांसलर ओलाफ शोल्झ गेल्या दोन वर्षांत सहा वेळा भेटले आहेत, ज्यातून संबंध किती दृढ आहेत ते कळतात. जर्मनी भारताला जागतिक व्यवस्थेसाठी अनिवार्य मानतो आणि भारताच्या ताकदीला कोणीही दुर्लक्ष करू शकत नाही, असा संदेश देत आहे.
