Param Sundari Box Office Collection Day 4: जान्हवी कपूर आणि सिद्धार्थ मल्होत्रा या कलाकारांच्या ‘परम सुंदरी’ सिनेमाने पहिल्या चार दिवसात किती कोटींचा गल्ला कमावला?
‘परम सुंदरी’चे कलेक्शन
शुक्रवारी चित्रपटाने 7.25 कोटी रुपयांचे कलेक्शन केले. यासिनेमाच्या कमाईत आठवड्याच्या शेवटी वाढ झाली होती.शनिवारी 9.25 कोटीआणि रविवार 10.25 कोटी रुपयांची कमाई करण्यात चित्रपटाला यश मिळाले. तीन दिवसांच्या अखेरीस, चित्रपटाने 26 कोटी रुपये कलेक्शन केले होते. ज्यामुळे मेकर्सच्या आशा वाढल्या होत्या. मात्र सोमवारी बॉक्स ऑफिस कलेक्शनमध्ये मोठी घसरण झाली. सोमवारी Param Sundari च्या आकड्यांमध्ये मोठी घट झाली. सॅकनिल्कने याविषयी वृत्त दिले आहे. सुरुवातीच्या अंदाजानुसार, ‘परम सुंदरी‘ने चौथ्या दिवशी 3.50 कोटी रुपयांची कमाई केली आहे. यानंतर जान्हवी-सिद्धार्थच्या सिनेमाची कमाई 30.25 कोटी रुपये झाली आहे.
‘परम सुंदरी’चा बॉक्स ऑफिस रिपोर्ट
पहिला दिवस (शुक्रवार): 7.25 कोटी रुपये
दुसरा दिवस (शनिवार): 9.25 कोटी रुपये
तिसरा दिवस (रविवार): 10.25 कोटी रुपये
चौथा दिवस (सोमवार): 3.50 कोटी रुपये (सुरुवातीची आकडेवारी)
एकूण: 30.25 कोटी रुपये
दरम्यान दुसऱ्या आठवड्यात सिनेमाची कमाई घसरली असली तरी, जान्हवीच्या अलीकडच्या महिन्यात रीलिज झालेल्या सिनेमांच्या एकूण कमाईला ‘परम सुंदरी’ने मागे टाकले आहे. या चित्रपटाने ‘रूही’ (21.93 कोटी रुपये), ‘उलझ’ (09.07 कोटी रुपये) आणि ‘मिली’ (2.82 कोटी रुपये) या चित्रपटांच्या एकूण कमाईला मागे टाकले आहे.
‘परम सुंदरी’चे काय आहे कथानक?
यामध्ये दिल्लीतील परम नावाच्या एका मुलाची कहाणी आहे, जो AI अॅपद्वारे प्रेमाचा शोध घेतो. त्याचा शोध त्याला केरळमधील सुंदरी नावाच्या मुलीपर्यंत घेऊन जातो. परम आणि सुंदरीची लव्ह स्टोरी काहीसा दाक्षिणात्य टच असणारी आहे. सिद्धार्थ-जान्हवीसह यामध्ये मनजोत सिंग, संजय कपूर, रेंजी पणीकर, इनायत वर्मा आणि तन्वी राम हे कलाकार आहेत.
