माझे मिस्टर घरी नाहीयेत, दुपारी या! 52 वर्षीय ज्वेलरला लताने घरी बोलावलं, एवढ्यात नवरा पोहोचला अन्…

अकोला येथील रहिवासी असलेले फिर्यादी हे 16 जून रोजी स्टेट बँक ऑफ इंडियाच्या मुख्य शाखेत पैसे जमा करण्यासाठी गेले असता, तिथे त्यांची ओळख लता नितेश थोप या मूर्तीजापूर तालुक्यातील खरब ढोरे गावातील महिलेशी झाली. या ओळखीच्या माध्यमातून तिने फिर्यादीचा मोबाइल क्रमांक मिळवला आणि वारंवार संपर्क साधला. त्यानंतर 2 जुलै रोजी तिने फिर्यादीस आपला पती घरी नसल्याचे कारण सांगत आपल्या गावी बोलावले. फिर्यादी दुपारी बारा वाजता तिच्या घरी पोहोचल्यावर, तिचा नवरा नितेश प्रभाकर थोप तिथे आला व त्याने त्या दोघांचे फोटो काढण्यास सुरुवात केली. त्यानंतर या दाम्पत्याने फिर्यादीला बलात्काराच्या खोट्या गुन्ह्यात अडकवून तुमच्या सगळ्या नातेवाईक व समाजातील लोकांना हा फोटो दाखवू अशी भीती दाखवत तीन लाख रुपयांची मागणी केली.

फिर्यादीने सुद्धा भीतीपोटी संबंधित आरोपीला तीन लाख रुपये दिले. त्यानंतर मागील दोन महिन्यात वेळोवेळीधमक्या देतया बंटी बबलीच्या जोडीने फिर्यादीकडून तब्बल 18 लाख 74 हजार रुपये वसूल केले.
Crime News : आधी पत्नी गेली, आता निवृत्त जवानाच्या एकुलत्या एक लेकानं आयुष्य संपवलं, घरात तीन मोबाईल सापडले अन्…
त्यानंतरही आरोपींनी पुन्हा एकदा फिर्यादीला पाच लाख रुपयांची मागणी केली. यावेळी मात्र फिर्यादीने मूर्तीजापूर ग्रामीण पोलिसांना माहिती दिली. तक्रार नोंदवली. पोलिसांनी सापळा रचून आरोपींना मूर्तीजापूरअकोला रोडवरील टोल नाक्यावर पैसे देताना रंगेहात पकडले. लता नितेश थोप व नितेश प्रभाकर थोप या दोघांवर गुन्हे दाखल करून अटक केली.
Navya Malik : ड्रग्ज तस्करीचं मोठं रॅकेट सापडलं, मुंबईतून इंटिरिअर डिझायनर तरुणीला अटक, 36 जणांसोबत…
झटपट पैसे कमावण्याच्या नादात सध्या विविध क्लुप्त्या लोक आजमावत आहेत. ‘हनी ट्रॅप’ हा सोपा मार्ग वाटत असल्याने बऱ्याच धनाढ्य व व्यापाऱ्यांना फसवले जात आहे. तक्रार होत नसल्याने कुठलाही गाजावाजा न होता असे प्रकार सुरू आहेत. मात्र जर ‘हनी ट्रॅप’च्या माध्यमातून फसविल्या गेलेल्या नागरिकांनी तक्रार केली तर अशा गुन्ह्यांना आळा बसू शकतो. मध्यंतरी अकोल्यामध्ये दोन व्यापाऱ्यांना अशा पद्धतीने फसविल्याच्या घटना घडलेल्या आहेत.