Rahul Deshpande Divorce : सुप्रसिद्ध मराठी गायक राहुल देशपांडेचा घटस्फोट झाला असून त्याबद्दल त्यानं सोशल मीडियावर पोस्ट शेअर करत माहिती दिली आहे.
मुंबई -राष्ट्रीय पुरस्कार विजेता राहुल देशपांडनं त्याच्या गाण्यानं, सुरेल आवाजानं श्रोत्यांच्या मनात स्थान निर्माण केलं आहे. राहुलला घरातूनच गायनाचे धडे मिळाल्यामुळे तो अनेक वर्ष श्रोत्यांचं मनोरंजन करत आलाय. राहुल सोशल मीडियावर कायम सक्रीय असतो आणि त्याच्याविषयीचे अपडेट्स चाहत्यांना देतो. अशातच आता राहुल देशपांडेचा घटस्फोट झाला असूनही बातमी त्यानं सोशल मीडियावर पोस्ट शेअर करत सांगितली. घटस्फोटानंतर लेकीचा सांभाळ करेन आणि तिचं पालकत्व स्वीकारेन असं राहुलने सांगितलंय.
राहुल देशपांडेचा घटस्फोट
राहुल देशपांडेनंइन्स्टाग्रामवरपोस्ट शेअर करत लिहिलं की, ‘प्रिय मित्रांनो, तुम्ही प्रत्येकजण माझ्या प्रवासात आपापल्या पद्धतीने एक महत्वाचा भाग राहिला आहात आणि म्हणूनच मी तुमच्यासोबत एक वैयक्तिक आणि महत्त्वाची अपडेट शेअर करू इच्छितो. मी तुमच्यापैकी काहींसोबत ही बातमी आधीच शेअर केली आहे. लग्नाच्या १७ वर्षानंतर आणि असंख्य आठवणींनंतर, नेहा आणि मी एकमेकांच्या संमतीने वेगळे झालो आहोत आणि स्वतंत्रपणे आमचं जीवन सुरू ठेवत आहोत. आमचे कायदेशीर वेगळं होणं सप्टेंबर २०२४ मध्ये पूर्ण झालं.’
राहुल देशपांडे यांची चिमुकली म्हणते, ‘बाबा तुझ्यापेक्षा मी सुंदर गाते’
राहुल देशपांडेची पोस्ट
लेकीच्या पालकत्वाबद्दल बोलताना राहुलने लिहिलं की, ‘मी हे बातमी शेअर करण्यापूर्वी थोडा वेळ घेण्याचा निर्णय घेतला जेणेकरून खासगीरित्या सर्व लीगल प्रक्रिया पूर्ण होईल आणि सर्वकाही विचारपूर्वक केलं जाईल याची खात्री होईल, विशेषतः आमच्या मुलीच्या, रेणुकाच्या सर्वोत्तम हिताच्या दृष्टीनं, ती माझी प्रायोरिटी आहे आणि मी नेहाचाही प्रेमाने सांभाळ करेन, तिला कायम सपोर्ट करेन. तिचं पालकत्व स्वीकारेन. हा आमच्यासाठीवैयक्तिकरित्याएक नवीन अध्याय असला तरी, पालक म्हणून आमचं नातं आणि एकमेकांबद्दलचा आदर अजूनही कायम आहे.’
View this post on Instagram
‘या काळात आमची प्रायव्हसी आणि निर्णयाबद्दल तुमचा समजूतदारपणा आणि आदराचं मी कौतुक करतो. प्रेम आणि कृतज्ञतेसह- राहुल’ असं राहुलने शेवटी म्हटलं आहे. दरम्यान, राहुल देशपांडे आणि नेहाची घटस्फोटाची बातमी समोर येताच चाहत्यांना धक्का बसला आहे.
