अफगाणिस्तान – राशीद खान
अफगाणिस्तानचा कर्णधार आणि स्टार फिरकीपटू राशीद खान संघासाठी सर्वात मोठा ‘एक्स-फॅक्टर’ ठरू शकतो. यंदाचा ‘आयपीएल’ हंगाम त्याच्यासाठी फारसा चांगला नसला (15 सामन्यांत 9 बळी) तरी, त्याने जोरदार पुनरागमन केले आहे. नुकतेच, त्याने टी-20 आंतरराष्ट्रीय क्रिकेटमध्ये 170 बळींचा टप्पा गाठत सर्वाधिक बळी घेण्याचा जागतिक विक्रम नावावर केला आहे. कर्णधार म्हणून मधल्या षटकांमध्ये बळी मिळवण्याची त्याची क्षमता महत्त्वपूर्ण आहे, तर तळाच्या क्रमवारीत त्याची उपयुक्त फलंदाजी लक्षवेधी ठरू शकते. अफगाणला पहिल्यावहिल्या आशिया चषक जेतेपदाचे स्वप्न साकारायचे असेल, तर राशीदचा फॉर्म आणि नेतृत्व निर्णायक ठरेल.
