गेल्या चार–पाच वर्षांपासून हे पार्किंग मोफत होते. परंतु काही महिन्यांपूर्वी महापालिकेने एका बांधकाम व्यावसायिकास ठेका देऊन सशुल्क पार्किंगची व्यवस्था केली. मात्र, ही सुविधा केवळ बालगंधर्वमधील प्रेक्षक व कलाकारांसाठी असावी, अशी अपेक्षा असताना पार्किंगमध्ये घोले रस्त्यावरील एका हॉटेलच्या ग्राहकांची वाहने लावली जात असल्याचे उघड झाले. त्यामुळे कार्यक्रमाच्या वेळी नागरिक, कलाकार, तसेच नाट्यसंस्थांना जागा मिळण्यात अडचणी निर्माण होत आहेत.
