गणेश विसर्जन मिरवणूक संस्मरणीय ठरावी, याकरिता प्रत्येक मंडळाने नियोजन केले आहे. विविध देखावे, नृत्य पथके, पारंपरिक वाद्ये, चित्ररथ, आकर्षक रोषणाई आदींनी मिरवणूक वैशिष्ट्यपूर्ण ठरणार आहे. मिरजकर तिकटी-बिनखांबी गणेश मंदिर-महाद्वार रोड-पापाची तिकटी-गंगावेसमार्गे इराणी खण या गणेश विसर्जन मिरवणुकीच्या पारंपरिक मार्गासह बिंदू चौक-शिवाजी चौक ते पापाची तिकटी, बिंदू चौक ते देवल क्लब या दोन समांतर मार्गांसह हॉकी स्टेडियम-संभाजीनगर-देवकर पाणंदमार्गे इराणी खण अशा पर्यायी मार्गाने मिरवणूक निघणार आहे. पंचगंगा नदीत गणेशमूर्तींचे विसर्जन होणार नाही, याकरिता गंगावेसमधून पंचगंगा नदीकडे मंडळांना सोडले जाणार नाही.
