Maratha Reservation: मराठा आरक्षण आंदोलनाचे नेते मनोज जरांगे यांच्यावर शहरातील खासगी रुग्णालयात उपचार झाल्यानंतर सोमवारी सकाळी त्यांना ‘डिस्चार्ज’ मिळाला.
म. टा. प्रतिनिधी, छत्रपती संभाजीनगर: ‘ हैदराबाद गॅझेटिअर ’मधील नोंदीनुसारमराठा समाजाला कुणबी प्रमाणपत्रदेण्याची प्रक्रिया शासनाने सुरू करावी. नोंदी असलेल्या आणि त्यानुसार नोंदी नसलेल्या वंशावळीतील मराठ्यांना १७ सप्टेंबरपूर्वी प्रमाणपत्र देण्यास सुरुवात करावी. अन्यथा, नारायणगड येथील दसरा मेळाव्यात सरकारविरोधी भूमिका जाहीर करू, असा इशारामनोज जरांगे यांनी दिला आहे.
अंतरवाली सराटी (ता. अंबड) येथे जाण्यापूर्वी जरांगे यांनी प्रसारमाध्यमांशी बोलताना हैदराबाद गॅझेटबाबत काढलेल्या शासन निर्णयावर भूमिका स्पष्ट केली. ‘हैदराबाद गॅझेटिअरच्या नोंदीनुसार मराठा समाजाला कुणबी प्रमाणपत्र देण्याबाबत ‘जीआर’ काढण्यात आला. गरिबांसाठी काढलेल्या ‘जीआर’ने सर्वांना आश्चर्य वाटले. त्यातील शब्द पाहून काहींची झोप उडाली आहे. या ‘जीआर’मुळे संपूर्ण मराठवाडा आरक्षणात जाणार असल्याचा आनंद आहे. विजय आणि पराजय पचवता आला पाहिजे. त्यामुळे हैदराबाद आणि सातारा गॅझेटनुसार सर्वांना आरक्षण मिळू द्या. त्यानंतर आनंद साजरा करू’, असे जरांगे म्हणाले.’तुम्हाला कॉल येईल, तो ब्लॉक करा, मम्मी दादा मला माफ करा’; चिठ्ठी लिहून २२ वर्षीय तरुणीने संपवलं जीवनगॅझेटिअरची तातडीने अंमलबजावणी करून नोंदी केल्या नाही, तर दसरा मेळाव्यात भूमिका जाहीर करावी लागेल. येत्या १७ सप्टेंबरपूर्वी म्हणजेच मराठवाडा मुक्तिसंग्राम दिनापूर्वी ‘कुणबी’ प्रमाणपत्र देण्यास सुरुवात करावी. नोंदीनुसार प्रत्येक गावातील मराठ्यांना आणि नोंद नसलेल्या मराठ्यांना कुणबी प्रमाणपत्र द्यावे, असे जरांगे म्हणाले. आरक्षणाचा विजय अनेकांना सहन होत नसल्याने त्रुटी काढत आहेत. शासन निर्णयात चुकीचा शब्द असल्यात सरकारने दुरुस्ती करावी. मराठवाडा आणि पश्चिम महाराष्ट्रातील मराठ्यांना आरक्षण मिळणार आहे, असे जरांगे म्हणाले. ‘जीआर’मध्ये बदल केल्यास १९९४ चा ‘जीआर’ही रद्द करावा लागेल.नोंदीनुसार प्रमाणपत्रदेणार असल्याने ओबीसी आरक्षणाला धक्का लागणार नाही हे मुख्यमंत्र्यांचे वक्तव्य योग्य आहे. अभ्यासक आणि तज्ज्ञांना विचारण्याची गरज नाही. समाजाने ‘जीआर’ पक्का असल्याची खात्री बाळगावी. आम्ही ५० टक्क्यांच्या आत आरक्षण घेणार, असा खुलासा जरांगे यांनी केला. दरम्यान, जरांगे रुग्णालयातून दुपारी अंतरवाली सराटी येथे रवाना झाले. ग्रामदैवतांचे दर्शन घेतल्यानंतर गावकऱ्यांनी गुलाल उधळून जरागे यांचे स्वागत केले. सायंकाळी श्री क्षेत्र नारायणगड (जि. बीड) येथे दर्शनासाठी गेले. जरांगे यांना भेटण्यासाठी समाजबांधवांची गर्दी झाली होती.घरातून पती-पत्नी लेकासोबत निघाले, वाटेत काळाचा घाला; भरधाव जीपच्या धडकेत त्रिकोणी कुटुंबाचा अंतन्यायालयात ‘कॅव्हेट’ दाखलमराठा आरक्षणाच्या हैदराबाद गॅझेटिअरसंदर्भात गंगाधर काळकुटे यांनी सर्वोच्च न्यायालय, उच्च न्यायालय मुंबई व औरंगाबाद खंडपीठात ‘कॅव्हेट’ दाखल केली आहे. मराठा समाजाची बाजू ऐकून घेतल्याशिवाय शासन निर्णयाला स्थगिती किंवा रद्दबातल करू नये, अशी विनंती त्यांनी केली आहे. याबाबतची कागदपत्रे आंदोलनाचे नेते मनोज जरांगे यांच्याकडे दिली आहेत, असे काळकुटे यांनी सांगितले
