Mumbai Ganesh Visarjan 2025: गणेश विसर्जनानिमित्त मुंबईत मध्य, हार्बर, पश्चिम रेल्वे मार्गांवर पोलिसांचा कडेकोट बंदोबस्त असणार आहे.
मुंबई : अनंत चतुर्दशी निमित्त गणरायाचा विसर्जन सोहळा निर्विघ्नपणे पार पडण्यासाठी मध्य, हार्बर आणि पश्चिम रेल्वे स्थानकात मुंबई लोहमार्ग पोलिसांकडून बंदोबस्त तैनात करण्यात आला आहे. मरिन लाइन्स, ग्रँट रोड, चिंचपोकळी, करी रोड, दादर, वडाळा रोड अशा रेल्वे स्थानकांत ५० अधिकारी आणि ४५० रेल्वे पोलिसांची आज, शुक्रवारपासून नियुक्ती करण्यात येणार आहे. रेल्वे फाटकांच्या ठिकाणीही यंदा सुरक्षेसाठी पोलिस उभे असणार आहेत.
गणेशोत्सवाच्या शेवटच्या दोन दिवसांत शहरातील प्रमुख सार्वजनिक गणेश मंडळांना भेट देण्यासाठी मोठी गर्दी उसळते. उत्सवातील गर्दी टाळण्यासाठी शेवटच्या दिवशी चौपाट्यांवर जाऊन बाप्पाचे आकर्षक रूप डोळ्यात साठवण्याचा अनेकांचा कल असतो. रेल्वे स्थानक आणि परिसरात गर्दीचे योग्य व्यवस्थापन करण्यासाठी आणि अनुचित घटना टाळण्यासाठी आज, शुक्रवारपासून बंदोबस्त सुरू करण्यात येणार आहे. रेल्वे पोलिसांसह रेल्वे सुरक्षा दल, महाराष्ट्र सुरक्षा दलाचे कर्मचारी, होमगार्ड यांचाही रेल्वे स्थानकात पहारा असणार आहे.रेल्वेप्रवाशांसाठी महत्त्वाचे! QR Code द्वारे तिकीट सेवा आता बंद; गैरवापर वाढल्याने मध्य रेल्वेचा निर्णयमध्य रेल्वेच्या दादर, चिंचपोकळी, करी रोड हार्बर मार्गावरील वडाळा रोड स्थानकात गणेशभक्तांची मोठी गर्दी असते. अनंत चतुर्दशीच्या निमित्ताने गिरगाव चौपाटीजवळील मरिन लाइन्स, ग्रँट रोड स्थानकात प्रवाशांची संख्या प्रचंड असते. स्थानकात प्रवेश करणे आणि स्थानकातून बाहेर पडण्यासाठी स्वतंत्र मार्गाची व्यवस्था करण्यात आली आहे.चिंचपोकळी आणि करी रोड स्थानकात एकच फलाट असल्याने प्रवाशांनी फलाटावर थांबू नये, नव्या पुलाचा वापर करावा, अफवांवर विश्वास ठेवू नये, अशा सूचना सातत्याने देण्यात येणार आहेत . अजित पवारांची महिला पोलिस अधिकाऱ्यांवर ‘दादा’गिरी? व्हायरल VIDEOवरुन विरोधकांचा आरोपतिकीट खिडकीवर अतिरिक्त कर्मचारी मध्य आणि पश्चिम रेल्वेने रात्री उशिरापर्यंत विशेष लोकलची घोषणा केली आहे. यामुळे प्रवाशांच्या सुविधेसाठी तिकीट खिडकीवर अतिरिक्त कर्मचारी तैनात करण्यात आले आहेत. अतिरिक्त एटीव्हीएम उभारण्यात आले आहेत. रेल्वे फलाट, स्थानके येथे मिरवणुकीच्या दिशेबाबत मार्गदर्शन करण्यासाठी विशेष कर्मचाऱ्यांची नियुक्ती करण्यात आली आहे, असे रेल्वे अधिकाऱ्यांनी सांगितले.
