Pune Ayush Komkar Murder Case: पुण्यात गँगवॉरमधून गणेश कोमकरचा मुलगा आयुष कोमकरची 13 गोळ्या घालून हत्या करण्यात आली होती. घराच्या बेसमेंटमध्येच त्याची हत्या करण्यात आली होती. यावेळी त्याचा लहान भाऊ देखील तिथेच उपस्थित होता.
अभिजित दराडे, पुणे: पुण्यातील गँगवॉर सध्या राज्यभरात चर्चेचा विषय ठरली आहे. माजी नगरसेवक वनराज आंदेकर यांच्या हत्येला एक वर्ष पूर्ण होताच आंदेकर टोळीने त्यांच्या खुनाचा बदला घेतला आहे. वनराज आंदेकर खून प्रकरणातील मुख्य आरोपी गणेश कोमकर याचा मुलगा Ayush Komkar उर्फ गोविंदा कोमकरचा 5 सप्टेंबर रोजी नाना पेठेतील इमारतीच्या बेसमेंटमध्ये गोळ्या घालून खून करण्यात आला होता. हा खून आंदेकर टोळीनेच केला असल्याचा निष्पन्न झालं आहे.
आयुष कोमकरची आई कल्याणी कोमकर हिच्या तक्रारीनंतर आंदेकर टोळीचा म्होरक्या बंडू आंदेकर याच्यासह 13 जणांवर गुन्हा दाखल करण्यात आला आहे. आरोपींमध्ये आंदेकर टोळीचा म्होरक्या सूर्यकांत उर्फ बंडू आंदेकर (वय 60), कृष्णा उर्फ कृष्णराज सूर्यकांत आंदेकर (वय 41), शिवम उर्फ शुभम सूर्यकांत आंदेकर (वय 31), अभिषेक उदयकांत आंदेकर (वय 21), शिवराज उदयकांत आंदेकर (वय 29), लक्ष्मी उदयकांत आंदेकर (वय 60), वृंदावनी निलंजय वाडेकर (वय 40), तुषार निलंजय वाडेकर (वय 26), स्वराज निलंजय वाडेकर (वय 22), अमन युसुफ पठाण उर्फ खान, सुजल राहुल मेरगु (वय 23), यश सिद्धेश्वर पाटील आणि अमित प्रकाश पाटोळे (वय 19) अशा 13 जणांचा समावेश आहे.तपासा दरम्यान इमारतीचे सीसीटीव्ही फुटेज पोलिसांनी कल्याणी कोमकरला दाखवल्यानंतर तिने दोन हल्लेखोरांना ओळखले असून हे दोघेही आंदेकर टोळीसाठीच काम करत असल्याचे तिने जबाबात सांगितल आहे. याप्रकरणी पोलिसांनी आधी अटक केलेल्या यश पाटील आणि अमित पाटोळे यांना कोर्टात हजर केलं होतं. त्यांना 12 सप्टेंबरपर्यंत पोलीस कोठडी सुनावण्यात आली आहे. आरोपी अमन आणि यश यांनी आयुषवर गोळीबार करीत ‘इथे फक्त बंडू आंदेकर व कृष्णा आंदेकरच’ असे म्हणून दहशत माजविल्याचे निष्पन्न झाले आहे. मात्र, आता पोलिसांनी या प्रकरणातील मुख्य आरोपी बंडू आंदेकरच्याही मुसक्या आवळल्या आहेत. Pune Gang War: लक्ष ठेवा, बाहेर आला की…; वनराज आंदेकरच्या खूनाचा बदला घेण्यासाठी टिपू पठाण टोळीने केलेली मदत?तर, पोलिसांना आता एक प्रत्यक्षदर्शी सुद्धा सापडला आहे. हा प्रत्यक्षदर्शी दुसरा तिसरा कोणी नसून आयुषचा छोटा भाऊ अर्णव कोमकर हा आहे. त्यादिवशी रात्री साडेसात वाजता लक्ष्मी कॉम्प्लेक्सच्या बेसमेंटमध्ये नक्की काय घडलं हे सविस्तर समोर आलं आहे.
आयुष कोमकरची आई कल्याणी कोमकरने पोलिसात दिलेल्या माहितीप्रमाणे, आयुष हा आपला छोटा भाऊ अर्णव याला ट्युशनवरून आणण्यासाठी घराच्या बाहेर पडला होता. आयुषचा छोटा भाऊ अर्णव हा ए डी कॅम्प पुणे येथे सलीम सरांकडे ट्युशनसाठी जातो. सायंकाळी पाच वाजता त्याचा क्लास असतो आणि तो सायंकाळी सात वाजता सुटतो. अर्णवचा क्लास सुटण्याच्या वेळेस आयुष त्याला घरी आणण्यासाठी बाहेर पडला होता. त्याच्याकडे त्यावेळेस एक्टिवा गाडी होती. Pune Komkar Gangwar: वर्षभरापूर्वीच कट रचला, चौघांनी एकट्याला गोळ्या घातल्या; आयुष कोमकर हत्या प्रकरणाची इनसाईड स्टोरीसंध्याकाळी साडेसात वाजण्याच्या सुमारेस तो आपल्या नाना पेठ येथील लक्ष्मी निवास येथील बेसमेंटमध्ये पोहोचला. त्यावेळेस, ‘मी घरी एकटीच होते, इतक्यात मला आमच्याच बिल्डिंगमध्ये राहणाऱ्या दुडूम काका आणि अश्विनीने फोन करून सांगितलं की तुझा मोठा मुलगा आयुष याला कोणीतरी मारहाण करत आहे. मी तसेच पळत खाली आले आणि पाहते तर आयुष हा रक्ताच्या थारोळ्यात पडला होता. जिथे आयुष्य रक्ताच्या थारोळ्यात पडला होता त्या शेजारीच माझा छोटा मुलगा अर्णव हा मोठमोठ्याने रडत बसला होता. मी त्याला विचारलं की दादाला कोणी मारलं. त्याने मला सांगितलं, मी आणि दादा आपल्या एक्टिवा गाडीवरून पार्किंगमध्ये पोहोचलो मी गाडीवरुन खाली उतरलो आणि दादांनी गाडी पार्क केली. इतक्यात पाठीमागून दोन मुलं पळत आली दादाने त्यांच्याकडे पाहिलं लगेच त्यांनी त्यांच्याकडील बंदूक बाहेर काढून दादाला गोळ्या घातल्या’, असं कल्याणी कोमकर यांनी सांगितलं आहे.
आता Pune Gangwar फायरिंग करणाऱ्या दोघा जणांना कल्याणी कोमकर यांनी ओळखलं असून हे दोघेही बंडू आंदेकर टोळीसाठी काम करत असल्याच निष्पन्न झाल्यानंतर आज पहाटे आंदेकर टोळीतील सहा जणांना पुणे पोलिसांनी अटक केली आहे.
