कल्याण-डोंबिवली महापालिका क्षेत्रातील 27 गावांमध्ये रस्त्यांची अवस्था अत्यंत बिकट झाली आहे. कल्याण मलंगगड अत्यंत वर्दळीचा रस्ता खड्डेमय झाला आहे. गणेशोत्सव आधी रस्ते खड्डेमुक्त करण्याचे आश्वासन प्रशासनाने दिले होते. गणेशोत्सवाची सांगता होत असताना आता नवरात्र उत्सव जवळ आला आहे. मात्र खड्ड्यांचे साम्राज्य कल्याण डोंबिवलीत जैसे थे! असल्याचे चित्र कायम आहे.
कल्याण ग्रामीण विधानसभा क्षेत्रात असलेल्या 27 गावांमधील रस्त्यांची अवस्था दयनीय झाली आहे. खड्डेमुक्त प्रवास व्हावा यासाठी नागरिकांकडून सातत्याने प्रशासनाकडे मागणी केली जात आहे. मात्र कल्याण डोंबिवलीकरांच्या नशिबात खड्डेमय रस्ते असल्याचे दिसून येत आहे.
