मुंबई शेअर बाजारात (बीएसई) दिवसभर झालेल्या व्यवहारात सेन्सेक्स 800 अंकांहून अधिक घसरून 80,400 अंकांच्या खाली आला होता. बाजार बंद होताना त्यात काहीशी सुधारणा झाल्याने सेन्सेक्स 0.90 टक्क्याच्या घटीसह 80,426 अंकांवर बंद झाला. राष्ट्रीय शेअर बाजारात (एनएसई) निफ्टी निर्देशांक 250 अंकांहून अधिक खाली आला होता. बाजार बंद होताना निफ्टी निर्देशांक 0.95 टक्क्याच्या घसरणीसह 24,654 अंकांवर स्थिरावला. सलग, सहाव्या सत्रात शेअर निर्देशांकाची घसरण झाली असून, गत सप्ताहात सेन्सेक्स 2.66 आणि निफ्टी निर्देशांक 2.65 टक्क्यांनी खाली आला आहे.
